Публикация авторского материала: «Үздік сабақ конспектісі». автор Акауова Арайлым Куанышбаевна | Работа №239267

Ересек «Айналайын» тобының  ұйымдастырылған оқу қызметінің конспектісі

Өткізу күні: 30.01.2020ж

Әдіскер: Успанова А.О.

Тәрбиеші: Акауова А.К.

Білім беру саласы: «Шығармашылық», «Қатынас»

Пән: аппликация, сөйлемді дамыту.

Өтпелі тақырып: «Көліктер»

Тақырыбы: «Автобус»

1.Тәрбиелік: Дербестікке, ұқыптылыққа, ынтымақтастық дағдыларына тәрбиелеу.

2.Дамытушылық: Өз ойын композициялық безендіре білуді дамыту.

Сөздік қорын белсендіру : бензин, жолаушылар және жүк көлігі, жүк көлігі, ұшақ, мотоцикл, трамвай,автобус.

3.Оқыту: Тікбұрыштың бұрыштарын қиып, оларды қайшымен дөңгелетіп (автобустың шанақ, жолақты бірдей тіктөртбұрыштарға (автобус терезелері) қиып ,бұрыштарды (доңғалақтарды) қиып, квадратдан шеңберді қиюды бекіту.

Көлік, оның мақсаты және негізгі функциялары туралы білімдерін кеңейту және нақтылау (жолаушыларды немесе жүкті, отынның әртүрлі түрлерін және т.б. тасымалдайды).

Қайшымен дұрыс және ұқыпты пайдалануды үйрету. Қайшымен және желімді пайдалану білігін бекіту

Педагогикалық технологиялар: денсаулық сақтау технологиясы, ойын әдісі, сұрақ – жауап, әңгімелеу.

Ресурстармен қамтамасыз ету: желім,қайшы, салфетка, түрлі түсті қағаздар, көліктің түрлері суреттері, Дидактикалық ойын: «Сиқырлы текше» , Дидактикалық ойын: 
«Ұшады, жүреді, жүзеді» , Дидактикалық ойын: «Кім қай көлікті жүргізеді»
Билингвалдық  компонент: ұшақ-самолет, тік ұшақ-вертолет, мәшина-машина, Көлік – транспорт,лодка- қайық.

Ұйымдастырылған оқу қызметінің барысы:

1.Ұйымдастырушылық кезеңі:

Балалар, қазір жылдың  қай мезгілі?

- Қыс мезгілінде неше ай бар?

- Қазір қыс мезгілінің қай айы?

- Қыс мезгілінде ауа-райы қандай  болады?

- Қандай өзгерістер болады?

- Дұрыс айтасыңдар, балалар!

Қызықты сәт. Микимаус келеді.

Негізгі бөлім.

Микимаус көмектесу үшін тапсырмалар орындаймыз.

Дидактикалық ойын: 
«Ұшады, жүреді, жүзеді» ,

- Әуе көліктеріне қандай көліктер жатады? ұшақ, зымырант.б)    

- Ал су көліктеріне  қандай көліктер жатады?  (кеме, қайық, параход)   

- Ал  жер көліктеріне қандай көліктер  жатады? (жеңіл машина, автобус, жүк көлігі, трамвай,троллейбус, мотоцикл, трактор, велосипед, жедел жәрдем)

Дидактикалық ойын: «Кім қай көлікті жүргізеді»
- Бұл көліктердің  бәрін арнайы  мамандар жүргізеді.

- Дұрыс. Автобуста қызмет ететін адамдарды кім деп атайды? (Жүргізуші, кондуктор)
Кеме қызметкерлері кімдер? (Капитан, матрос, боцман)
Ұшақ қызметкерлері кімдер? (ұшқыш, стюардесса, бортинженер)
Пойыздағы қызметкерлер кімдер? (машинист, жолсерік)
- Дұрыс.

Енді осы көліктер қалай жүреді?
Машина қалай жүреді? - Жолда зулайды.
Қайық қалай жүреді? - Суда жүзеді.
Ұшақ қайтеді? - Зымырайды, самғайды.
Пойыз қайтеді? - Жүйткиді.
Көліктердің пайдасы адамның уақытын үнемдеуге мүмкіндік береді.

Көліктердің адамдарға пайдалы жағы да, зиянды да жағы  бар.

Пайдасы: адам баратын жеріне тез жетеді.

Зиянды жағы: көліктерден бөлініп шығатын газдар мен түтіндер ауаны ластайды.

Ауаны тазарту үшін жыл сайын көктемде  ағаштар , гүлдер  отырғызылады.

- Балалар жүк көліктері жүк тасиды,бірі  адам тасиды. Адам таситын көліктің түрі автобуспен танысайық.

Суретпен жұмыс.

- Үлкен қалаларда үлкендер, яғни адамдар жұмысқа, балалар мектепке, бір қаладан екінші қалаға қыдырып автобуспен  барады.

- Балалар, сендер автобусты көрдіңдер ме, кім көрген?

- Автобус туралы қандай тақпақтар білеміз, кім айтады?

Тақпақтар:

Даниял:Автобусқа мінемін,

Қалаларды көремін.

Көрген әсем жерлерді,

Есіме сақтап жүремін.

 Адия .Б:Автобус алға зулайды,

Бағыттан еш аумайды.

Зыр айналар дөңгелек,

Көлік бізге ең керек.

Біз  бүгін жапсыру  ҰОҚ автобусты қиып  жапсыруды  үйренеміз. Мен қазір  жұмыстың  орындалу көрсетемін,сендер  мұқият  тыңдап отырасыңдар.

- Ендеше балалар менің қолымда  автобусқа қараңдаршы.Осы автобустың құрылысымен танысайық.

1-нші жүргізуші отыратын кабинасы, жолаушы отыратын орындықтар.

2-нші терезелері.

3-нші дөңгелектері.

-Ал , балалар автобус туралы түсінікті болса, онда түрлі түсті қағаздан  автобустың макетін қиып, жапсырайық.

Балалар жұмысты бастамас бұрын қауіпсіздік ережесін еске түсірейік: қайшыны ұстағанда бір-біріне сілтемеңдер және қолдарыңды кесіп алмаңдар. Пайдаланып болған соң, үстел үстіне қойыңдар. Желімді ауызға салуға болмайды, пайдаланып болған соң, қақпағын жауып қоямыз.

  Жұмыстың жүру барысы.

1. Автобус құрылыстарын түгелдеп қиып алу.

     - Балалар шаршаған шығарсыңдар сергіту жаттығуын жасайық.      

                Сергіту жаттығуы.

Қане қанат жазайық.

Ұшақ болып ұшайық.

Ұшып–ұшып алайық,

Қайта келіп қонайық.

- Ал балалар, қырқып дайындаған автобус бөліктерін  жапсырайық.

1. Үлгі бойынша алдымен негізгі бөлігін жапсыру. Тіктөртбұрышты қағаздың бетіне сызылған  сызық  бойымен қиып  аламыз.

2. Дөңгелектерін жапсыру. Қара түсті қағазға дөңгелектің  суретін  сызып, қиып  аламыз.

3. Терезелерін жапсыру. Түсті  қағаздан терезсін қиып аламыз.

Барлық  бөлшектерін ретімен  жапсырамыз Балалармен жеке жұмыс жүргізу.

 Балалардың жапсырған жұмыстарын қарастыру.

Балалар  автобустың  орындау үлгісіне  сүйене  отырып, жапсыру  жұмысын  орындайды.

Қорытынды. 

Дидактикалық ойын: «Сиқырлы текше» 

Автобуспен  кімдерді  тасиды?

-Автобусты  жүргізетін  адамды  кім  дейміз?

-Автобус  туралы  не білесіңдер?

 Балаларды  шеңберге тұрғызып, ҰОҚ белсене

араласқан балаларды мақтап, мадақтау.