НОД лепка "Тэллэй". Работа №69887

Пермякова Светлана Дмитриевна – Воспитатель Д/С 22 “Жемчужинка”, г.Якутск, с.Пригородный

НОД: Лепка “Тэллэй”

Сыбаан оҥоруу дьарыга «Тэллэй»

Сыал: тэллэй туһунан оҕолор билиилэрин кэҥэтии (сиэнэр уонна сиэммэт), тэллэйдэр уратыларын бэлиэтииргэ үөрэтии.

Соруктар:

• Тэллэйдэр ааттарын үөрэтии.

• Лэппиэскэ тэллэйдэри сыһыаран, араас сэлээппэлэри (токур уонна лоппойтолор) туттаран үөрэт.

• Оҕо сөпкө көрөрүн, тарбаҕын сайыннарыы, уобарастаан толкуйдуур дьоҕурун, киэҥ өйдөбүлүн, болҕомтотун сайыннарыы.

• Оҕолор оҥорбут үлэлэриттэн үөрүүнү, дуоһуйууну ылалларын ситиһии.

• Тэллэйдэргэ интэриэс үөскэтии.

Туттуллар матырыйааллар: тэллэйдэр хартыыналара, пластилин, тирээпкэ, дуоска, анал быһах.

Дьарык хаамыыта:

- Оҕолор, бүгүн сарсыарда уһуйааҥҥа кэлэн, ким эрэ суругу аҕалбытын буллум.

Иитээччи суругу ааҕар. (Тииҥчээн оҕолору төрөөбүт күнүгэр ыҥырбыт).

- Тииҥчээн төрөөбүт күҥҥэр барыаххытын баҕараҕыт дуо? (Оҕолор эппиэттэрэ).

- Бастаан кыратык оонньуоххайыҥ.

Көбүөргэ физминутка “Ойуурга”

- Чэ, билигин тииҥчээҥҥэ барыахпыт. Оттон бэлэхпит суох дии, оҕолоор. Тииҥчээн тэллэйдэри сөбүлүүр, арай биһиги киниэхэ тэллэй сыбаан оҥорон илдьэн биэрдэхпитинэ? Ким билэр, ханнык тэллэйдэр баалларый? (сиэнэр уонна сиэммэт).

-Сиэнэр тэллэйдэри ааттааҥ. (Оҕолор хоруйдара).

- Оттон сиэммэт тэллэйдэри ааттааҥ. (Оҕолор хоруйдара).

-Оттон ити тоҕо сиэммэт тэллэйдэр диэн ааттаналлара буолуой? (Оҕолор хоруйдара).

- Оҕолор тэллэйдэри көрүҥ. Туохтара маарыннаһалларый? (Сэлээппэлээхтэр уонна атахтаахтар).

-Онтон туохтара атыный? (Өҥнөрүнэн уонна сэлээппэлэрэ атын атыттар).

Тэллэйдэр хартыыналарын көрүү.

- Көрүҥ, маҥан тэллэй томтоҕор сэлээппэлээх. Лисичка диэн тэллэй сэлээппэтэ эриллибит курдук. Томтоҕор сэлээппэни хайдах оҥоруохха сөбүй? (төгүрүгү эргитэммит, кытыытын баттыыбыт).

- Оттон эриллибит сэлээппэни дуо? (төгүрүгү эргитэммит, ортотун баттааммыт тэриэлкэ курдук оҥоробут).

- Маладьыастар! Оттон билигин остуолга олоробут.

Бытаан музыката иһиллэр. Оҕолор үлэлэрэ. Иитээччи наада буоллаҕына көмөлөһөр.

- Олус үчүгэй тэллэйдэр сатаннылар барыгытыгар.

- Оҕолор, көрүҥ, тииҥчээммит бу олорор эбит дии маска.

Тииҥчээн: Дорооболоруҥ! Төрөөбүт күммэр кэлбиккититтэн олус үөрдүм.

Иитээччи: Тииҥчээн, эйигин төрөөбүт күҥҥүнэн эҕэрдэлиибит уонна бу тэллэйдэри бэлэхтиибит.

Тииҥчээн: Баһыыбаларыҥ,үчүгэйкээн да тэллэйдэри оҥорбуккут миэхэ, оҕолор, наһаа үөрдүм.

Иитээччи: Оҕолор, аны тииҥчээҥҥэ анаан «Каравай»диэн ырыаны ыллыаххайыҥ.

Тииҥчээн: Баһыыбаларыҥ оҕолор, төрөөбүт күммэр кэлэҥҥит олус сэргэхситтигит. Көрсүөххэ диэри.

Иитээччи: Көрсүөххэ диэри, тииҥчээн.