Сапалы білім - жарқын болашақ бағдаршамы | Оралбаева Ж.З.. Работа №313943
Бүгінгі таңда сапалы білім мен озық тәжірибе игеру жарқын болашаққа апарар тура жол екені анық. Еліме, халқыма еңбегім арналып, үлесім қосылып, байтақ атамекенімнің көк Туын биікке желбіретемін деген әр азаматтың өз елінің ең таңдаулы, үлгілі жоғары орнының студенті атануы арманына қанат бітірері сөзсіз. Әйтсе де, болашағының сара жолын түзу қалыптастырып, өз мамандығының білікті кәсіпкері атануы әр адамның өз таңдауына байланысты. Осы орайда еліміздің алдыңғы қатарлы, әлемнің үздік университеттерінің қатарына кірген Әл Фараби атындағы Қазақ Ұлттық Университетін ерекше атап өткен орынды.
Оралбаева Ж.З.
Сапалы білім - жарқын болашақ бағдаршамы
Бүгінгі таңда сапалы білім мен озық тәжірибе игеру жарқын болашаққа апарар тура жол екені анық. Еліме, халқыма еңбегім арналып, үлесім қосылып, байтақ атамекенімнің көк Туын биікке желбіретемін деген әр азаматтың өз елінің ең таңдаулы, үлгілі жоғары орнының студенті атануы арманына қанат бітірері сөзсіз. Әйтсе де, болашағының сара жолын түзу қалыптастырып, өз мамандығының білікті кәсіпкері атануы әр адамның өз таңдауына байланысты. Осы орайда еліміздің алдыңғы қатарлы, әлемнің үздік университеттерінің қатарына кірген Әл Фараби атындағы Қазақ Ұлттық Университетін ерекше атап өткен орынды. Бүгінгі таңда аталған университетте 16 факультет, оған қоса әскери кафедра студенттердің жан жақты білімді, тәжірибелі болуына қолайлы жағдай туғызып келеді.
Жаңа ғасырға қол созып, көш түзеген сайын әсері мол саяси, әлеуметтік, мәдени жаңалықтар мен экономикалық өзгерістердің де орын алуына толық көз жеткізіп жүрміз. Өркениетті, дамыған елдердің алдыңғы қатарынан орын алу үшін алдымен экономикалық қабілеттілігізді арттыру маңызды. Осыған орай, әлемдік экономикалық тәжірибелер үлгісімен алмасып, еліміздің экономикалық әлеуетінің жоғарылауына өзіндік үлесін қосып, жас білікті мамандар даярлауда университетіміздегі Экономика және Бизнес Жоғары Мектебі ерен еңбегімен ерекше көзге түсіп келеді.
Экономика және бизнес жоғары мектебі 4 кафедра бойынша білікті кадрлар даярлап келеді. Соған байланысты факультет деңгейінде үздік нәтижелер мен үлгілі жетістіктер көрсетіп жүрген «Есеп және аудит» мамандығына ерекше тоқталып өткіміз келеді. Жалпы әлемдік тәжірибеге сүйенер болсақ, бухгалтерлік есепті бизнестің тілі деп атайды. Яғни, бухгалтерлiк есеп – шексіз мүмкіндіктер мен дүние жүзiнiң кез келген елiне жол ашатын әлемдік экономиканың маңызды және жоғары табысты саласы. Демек, экономиканың қыр сырын жетік меңгеріп, экономикалық қабілеттілік деңгейін арттыруға өз үлесіңді қосамын десең жол ашық.
Бүгiн бiздiң студенттерге диплом алғаннан кейін нарықта қажеттiрек болу мүмкiндiгi пайда болды. Халықарылық СIPA сертификация бағдарламасы САР – сертификатталған тәжірибелі бухгалтерге оқып, сертификатын алу мүмкіндігі бар. Сонымен қатар, «Қаржы және есеп» кафедрасы «Есеп және аудит» мамандығы бойынша ағылшын тілінде және қашықтықтан оқытуды жүзеге асырады.
Мамандардың жұмысқа орналастырудың мүмкiндiгi өте үлкен: олар әр түрлі қызмет саласында бухгалтер, аудитор, жоспарлау-экономикалық бөлiмiнiң маманы, бақылау-тексеру бөлiмiнiң маманы, бас бухгалтер, қаржы директоры ретінде жұмыс істеумен қатар аудиторлық қызмет көрсету, бухгалтерлердің қызметін ұсыну, консалтингілік қызмет түрлерін көрсету фирмаларын ашу, табысты бизнесті жүргізудің де озық үлгілерін еркін меңгере алады .
Ертеңгі болашағыңа именбей, сеніммен қарап, анық қадам басуыңа жағдай туғызар Әл Фараби атындағы Қазақ Ұлттық Университетінің алдыңғы көшінде сап түзеген Экономика және бизнес жоғары мектебінің есігі әрдайым баршаға ашық!
