Жастардың болашағы мен кәсіби жетістігі көбінесе олардың мамандық таңдауына байланысты. Дұрыс таңдалған мамандық адамға өзін жүзеге асыруға, еңбек нарығында сұранысқа ие болуға және өмірден ләззат алуға мүмкіндік береді. Әрбір адам өмірінде маңызды шешімдердің бірін – болашақ мамандығын таңдайды. Бұл шешім тек кәсіби жетістіктерге ғана емес, сонымен қатар жеке өмірдің сапасына да әсер етеді.Осы тұрғыда менің таңдаған мамандығым – қаржы саласы – заман талабына сай, перспективалы бағыттардың бірі болып табылады.
Қазіргі заманғы қаржы саласы – экономикадағы ең маңызды және перспективалы бағыттардың бірі. Ол банк ісінен бастап инвестициялар, сақтандыру, салық жүйесі, қаржылық талдау және бюджет саясатына дейінгі ауқымды салаларды қамтиды. Қаржы саласының маманы болу – тұрақтылық пен мансаптық өсуге ашық жол. Осыны ескере отырып, мен өз таңдауымды әл-Фараби атындағы Қазақ ұлттық университетінің “Экономика және бизнес” жоғары мектебінде “Қаржы” мамандығы бойынша оқуға түсу арқылы жасадым.