Чаллым -гүзәл шәһәрем. ☼

Автор: Гиниятуллина Ильфира Сабировна

Зал  матур  итеп  бизәлгән. Сәхнәнең уң ягына төрле милләт халкы киемнәреннән киенгән балалар чыгып баса.Сулда зур экран куелган.Өстәлдә Чаллы турында китаплар һәм балаларның язма эшләре күргәзмәсе оештырылган.

            (Р.Гобәйдуллинның”Ноктюрн” музыкасы астында шигырь укыла.)

            Читтә  йөргән чакта сагындырып,

            Керер өчен төнлә төшенә

            Алсу таңлы,биек зәңгәр күкле

            Туган ягы кирәк кешегә.

Зур уңышлар яулап,заманалар

             Матур бәя бирсә эшенә

            Шатлыкларын ишеттерер өчен

Туган ягы кирәк кешегә.

Яшәү өчен бетмәс көч алырга

Олысына һәм дә кечегә

Мәхәббәтле,ямьле,мәрхәмәтле

Туган ягы кирәк кешегә.

Кадерле балалар! Шәһәребез Чаллыга багышланган кичәбезне башлыйбыз.Туган шәһәребез һәм аның тарихы белән танышу максатыннан телдән журнал әзерләдек.

(Чаллы гимны башкарыла .Экраннан Чаллы шәһәренең киң урамнары, биек йортлары күрсәтелә.(